Awan Bayadna by Vhen Bautista
. Awan Bayadna (Avelino N. Bautista) Iti naminsan nga agsapa Immasideg ti anakmi nga inauna Adda papel nga inna inyawat Ket dagitoy ti nakalanad Idi insimpak ti nagiddaak sangapulo ket dua a pisos Idi binantayak ni ading dua pulo a pisos ken lima sentimo Idi nagsakdoak ti digosyo uppat a pulo a pisos pakabuklanna sangagasut ket dua a pisos ken pito a sentimo Daytoy met ti innak insungbat Adu a rigatni nanangmo idi naginaw kenka awan bayadna, anakko Idi impasngayka impustana ti biagna awan bayadna, anakko Adu a tuok ken rigat ti panangpadakkelmi kenka awan bayadna, anakko No agsakitka dikam makaidna, dikam makaturog agpatnagkam a mangbambantay kenka awan bayadna, anakko Chorus Awan bayadna anakkot amin a rigatmi Ti ragsakkmit agserbi kenka oh dunggo Awan bayadna anakko amin nga impaaymi Isubadmo laeng dayta pammategmo Iti dayta a gundaway nagsinnublatnakam nga inarakup ti anakko ket kinunana: Nanang, tatang siak pay gayam ti nakautang Ladingitek daytoy nga inaramidko Ikarik a diakton aramiden pay Wen diakto makabayad ita ayatyo nga awan kapadpadna Manipud ita amin a naitulongko ken maitulongko Awan met ti bayadna Repeat chorus
